പട്ടികജാതിക്കരന് ഇനിയും സ്വാതന്ത്ര്യം കിട്ടിയിട്ടില്ല

പല മഹാന്മാരുടെ ശ്രമഫലമായി 1947ൽ ഇന്ത്യയ്ക്ക് സ്വാതന്ത്ര്യം കിട്ടിയപ്പോൾ സംഭവിച്ചതെന്താണ്??? 
ബ്രിട്ടീഷുകാർ ഇന്ത്യയിൽ നിന്നും സ്വദേശത്തേയ്ക്ക് പോയി. പേരിന് ഒരു ഭരണഘടന ഉണ്ടാക്കാനും അവസരം ലഭിച്ചു. അല്ലാതെ എന്ത് മാറ്റമാണിവിടെ ഉണ്ടായത്..??
അവകാശങ്ങൾ സമരം ചെയ്ത് നേടിയെടുക്കേണ്ട ഒരു ദുരവസ്ഥ..
ബ്രിട്ടീഷുകാർ ഉണ്ടായിരുന്നപ്പോഴും അങ്ങനെ തന്നെയായിരുന്നുവല്ലോ..?? മാറ് മറയ്ക്കൽ സമരവും, കല്ലുമാല സമരവും നടത്തി ദളിതർക്ക് സവർണ്ണരുടെ മുൻപിൽ സ്വാതന്ത്ര്യത്തോടെ നിൽക്കാനും നടക്കാനും കഴിഞ്ഞതും ബ്രിട്ടീഷുകാരുടെ കാലത്തായിരുന്നു. ഒരർത്ഥത്തിൽ ഇപ്പോഴുള്ള സവർണ്ണമേധാവിത്വത്തേക്കാൾ ഭേദമായിരുന്നു ബ്രിട്ടീഷുകാരുടേത്..
ചുരുക്കത്തിൽ 1947ൽ ആർക്കാണ് സ്വാതന്ത്ര്യം ലഭിച്ചത്..?? സവർണ്ണർക്ക് അവരുടെ തോന്ന്യാസത്തിന് ജീവിക്കാനും പ്രവർത്തിക്കാനും ദളിതരുടെ മേൽ കുതിര കയറാനും ദളിതനെ കൊല്ലാനുമുള്ള സ്വാതന്ത്ര്യം ലഭിച്ചു... ദളിതന്റെ അവസ്ഥയോ..??
സർക്കാർ എന്ന പേരിൽ പ്രവർത്തിക്കുന്ന സവർണ്ണ മേധാവിത്വത്തിന് മുൻപിൽ അടിമകളായി കഴിയണം..
രാഷ്ട്രീ്യ മുഖം മൂടിയണിഞ്ഞ വർഗ്ഗീയ പിശാചുക്കളുടെ മുൻപിൽ ഓഛാനിച്ചു നിൽക്കണം..
മറ്റുള്ളവന്റെ ഔദാര്യത്തിനായി കാത്ത് നിൽക്കണം..
കേവലം ഒരു മ്ര്ഗമായ പശുവിന്റെ വില പോലും നൽകുന്നില്ല.. ഇത് സത്യമാണ്..
ഓണം വന്നാലും ഉണ്ണി പിറന്നാലും കോരന് കഞ്ഞി കുമ്പിളിൽ തന്നെ..
എത്ര നാൾ നാം ഇങ്ങനെ അടിമകളായി കഴിയും..
1947ലെ സ്വാതന്ത്ര്യം നമുക്കും വേണ്ടേ..??